Stopover ni Teh sa Callao Cave ~ The First Chamber

Callao Cave, one of the most famous attractions in Cagayan Valley... Napadaan lang kami  rito one time galing ng Ballesteros, after dropping by Tuguegarao to visit our granny. That time, very much delighted ako na mapupuntahan ko na ang Callao Cave dahil first time ko siyang makikita in person. (Parang artista lang...) :)

Located at the humble municipality of Peñablanca, it takes around 30 to 45 minutes by land to reach the Callao Cave from Tuguegarao City.

We went there during a summer of 2008, so I'm not sure kung same pa rin ang contents ng signboard sa entrance sa may paanan ng cave. 

Information board as of 2008. :) (Click photo for a better viewing experience...)

Hindi ko na in-enlarge. You know why. :|

Rheumatism alert: After the entrance at the foot of the cave, aakyat ka pa ng N number of steps bago mo marating ang mismong cave. 

Before the cave's main entrance, nakasulat sa dingding ang quick facts about the cave. Muhkang naroon na ang information since nineteen kopong kopong dahil sa kalumaan ng itsura nito. At siyempre pa, hindi mawawala ang mga pangalan ng mga friendships natin sa gobyerno. Nakakalungkot lang na may mga vandals na ang printed information na ito. :(

Stolen shot ni Teh by the cave... X_X
(Hindi rin in-enlarge. You know why din.)

Nakakalungkot lang din na noong nagpunta kami, medyo maulan (madulas sa loob ng cave) at malapit na ang closing time kaya doon lang kami sa first chamber nakapag-explore. Kumusta naman ang 6 other chambers na hindi napuntahan ni Teh??? :( 

Common na mag-expect ka ng bizarre rock formations kahit sa loob pa lang ng first chamber. Photos did not turn out that good (since low tech camera ko), pero in person, maganda tignan ang mga rock formations na ito. :)

Ground rock formations

Ceiling rock formations. (Stalactites and stalagmites hardly seen on this pic)

The first chamber's light source from above...

Ang rock formations, common 'yan sa lahat ng cave systems. Pero this one, when visiting Callao Cave, definitely this is something that you should not miss - ang mag-picture sa Cave Chapel! ^_^ Luckily, this is located sa first chamber kaya nakapag-picture ako. :D 

Taking advantage of the rock formations, nagtayo ang local government noon ng chapel sa loob ng chamber. Tinanong ko ang kasama kong taga-South Cagayan kung may nagmimisa ba rito at ang sabi niya, meron daw. Quite eligible din siyang maging pilgrimage site. :)

WALANG... HIMALAAAAAAAAA!!! (Chos.)

Sa labas ng first chamber, may akyatan doon papunta sa isang viewing site. Pagtuntong sa viewing site, tumambad kay Teh ang majestic views ng Sierra Madre, rice fields ng Peñablanca and Pinacanauan River. So far, Teh's favorite portion of Callao Cave sidetrip. :)

Ricefields of Peñablanca hidden by the epal tree. (Joke lang, tree! ^_^)

A glimpse of the clear Pinacanauan River.

The Sierra Madre Mountain Ranges from afar... :)

The staircase connecting the cave and the entrance at the cave's foot is supported by a steel bar (I think) and it kinda rusts a lot already. :( I hope na maayos ito ng DOT in line with the new theme of "It's more fun in the Philippines". Looking forward for its slight makeover. ;)

Stairway to and from the first chamber.

Dahil marami pang Unfinished Business[1] si Teh, hindi lang sa Callao Cave pero sa Cagayan Valley as a whole, siguradong babalik-balikan ko ang mga tourist spots ng province na ito, may they be known or still remaining undiscovered. Sana lang pagbalik ko, makita ko ang positive impact ng bagong slogan ng ating turismo. :)

Till we meet again, my beloved land... :)

~ Vocabulary ni Teh ~

[1] Unfinished Business - mga hindi napuntahan ni Teh sa isang place.

Basilica Minore of Our Lady of Piat ~ The interior

Dumako naman tayo sa Southern Cagayan... 

Sabi nga nila, as a Christian, always start your day with a prayer. Kaya heto ako, inuna ko ang pagbisita sa Our Lady of Piat Church - one of the famous churches of the North na binibisita ng mga pilgrims. (Anong konek sa first statement? Paki-relate please.) Ang Municipality ng Piat, which is located at the Western part of Southern Cagayan Valley, ay approximately 1.5 - 2 hours away from Tuguegarao City. To get here, just ride a public utility van sa Shell parkingan at Ugac Highway, Tuguegarao City. Usually "shell parkingan" is understandable already sa mga tricycle drivers. :) 

Noong huling beses na nagpunta ako rito, nasa Php100 ang pamasahe sa van going to Piat, from Tuguegarao City.

The interior of the Basilica Minore

Kadalasan, sa loob ng isang church, common na design sa cathedral glass ang Stations of the Cross. I find the church unique, kasi instead na Stations of the Cross ang design, 'yung history ng Our Lady of Piat image ang mga nasa cathedral glasses. Kaso nga lang, dahil sumaglit lang ako roon, at sa dami nila, isang design lang ang nakuhanan ko ng litrato... :(

One of the cathedral's design, depicting the history of the Our Lady of Piat image

Noong nagpunta ako rito upang magsimba at mag-picture, saktong Christmas season noon kaya I grabbed the chance na ma-picture-ran ang Belen. One of the best and most crowded Belen designs na nakita ko... ^_^

The Basilica's Christmas Belen

Sa mga Manileñong katulad ko, maaari nating masabi na halos pareho ang Our Lady of Piat sa Image ng Antipolo Church na Our Lady of Peace and Good Voyage. Dahil madalas galing sa malalayong lugar ang mga nagpi-pilgrimage papunta sa Piat, nagiging patron din siya ng travelers. Similarly, may stairs din papunta sa rear ng Image ng Our Lady of Piat na open for public's touch. Sa mga Katoliko kasi, isang kaugalian ang paghimas sa imahe at magsa-sign of the Cross pagkatapos bilang pagbibigay-galang sa imahe. At ang karamihan din, naniniwala na source of miracle ang mga Blessed Image tulad nito. Pero para sa akin, ang pananampalataya pa rin sa Maykapal ang primary source ng mga himala sa buhay... ^_^

The Miraculous Image of Our Lady of Piat

Teh's prayers and wishes, represented by the candles...

Masaya ako, bilang isang Kristiyano, na nabigyan ako ng energy ni Lord upang mabisita ang Basilica Minore of Our Lady of Piat. Despite its distance from Manila, still I was able to see the beauty of this church and on my part, isa itong fulfillment/achievement... ^_^

Abangan in the distant future: Basilica Minore of Our Lady of Piat ~ The exterior... :)

Special thanks to Ms. Kurenai for confirming the facts about Our Lady of Piat... ^_^

Love at first bite ~ Pancit Cabagan

Dahil always hungry si Teh, and traveling is never fun without eating, hindi maiiwasan na mapatikim ako ng mga local dishes/specialty ng mga napupuntahan kong lugar.

Pancit Cabagan Restaurant Signboard along Roxas, Isabela

Although since childhood, nagpupunta na ako ng Cagayan Valley, only when I was in 4th Yr. High School ko na-discover ang pinakamasarap na pancit na natikman ko up-to-date (and probably it will never be replaced in my heart) - Pancit Cabagan! ^_^

Sa dami ng Pancit Cabagan Restaurants sa Cagayan Region, dalawa pa lang ang nakainan ko. Isa sa mga iyon ay ang Felicitas. Aside from Pancit Cabagan, may ibang noodle dishes and Filipino dishes common sa North na available for dining. *drool* :)

Felicitas: Menu sa dingding

Pancit Bilao Sizes available

Felicitas Branches

And the other place na nakainan ko rin ng Pancit Cabagan is Natan's Panciteria. Mas low profile siya ng konti kaysa sa Felicitas, pero mas madalas ako kumain dito. Located kasi ito malapit sa Tuguegarao Airport, as in ka-street niya 'yon, at kadalasan 12:30 PM ako nakakarating, lalo na kung hindi delayed ang flight. (Pero kung delayed man, 'di baleng delayed, basta merong flight!). Sakto para mag-lunch. FYI din, meron itong 2nd floor at palagi akong pumupwesto roon para kumain. :)

A place to eat and tambay: Natan's Pancit Cabagan Restaurant

Hindi naman kumplikado kumain ng Pancit Cabagan, pero may suggested steps si Teh para kainin ang pancit na ito. Ang mga steps na ito ay namana ni Teh mula sa local people ng Cagayan Valley... :) Scroll down for the demonstration. ^_^

Step 1: Pagka-serve ng chopped onions, pigain ang calamansi

Step 2: Lagyan ng katamtamang dami ng toyo ang sibuyas na may kalamansi

Step 3: Lagyan ng suka ang onion mix

Step 4: Haluing mabuti. *Optional: maglagay ng paminta o kaya ng sili para sa anghang ng buhay... * ^_^

Step 5: Kainin ang sumptuous Pancit Cabagan... Lagyan ng onion mix ang pancit anytime you want.
Eat fast, while it's hot! Enjoy your meal! ^_^
Price (as of 2012): Php 50.00 w/free soup!

Isa rin sigurong reason kung bakit mas preferred kong kumain sa Natan's ang free soup na kasama sa sine-serve nilang pancit. Masarap, lalo na kung lalagyan ng paminta. Perfect combination! ^_^

At tuwing pumupunta ako rito para kumain, bago umalis, hindi ko talaga maiwasang pagdiskitahan ang mga sheep na nakatira sa tabi ng panciteria, kaya lagi silang may souvenir sa aking camera. ^_^

Mga friendship na tupa ni Teh. (Feeling close?!)

Dahil nakakain at nabusog na si Teh, panahon na upang ipagpatuloy ang paglalakbay... ^_^

Claveria ~ By the beach on a gloomy day...

The moment I saw this place, I couldn't help but feel at peace. Somehow, it feels nostalgic for a reason that I can't recognize. (Wehhh... Me' Gano'n???)

Rock formation at a Claveria shore line

One time na nagpunta kami sa Calanasan, nag-alok ang mga caretaker ng Sta. Filomena Mountain Resort na magpicnic sa isang bahagi ng beach ng Claveria. Tulad ng Pagudpud, nadadaan-daanan lang din namin ito dati kaya malugod naming tinanggap ang alok nila. :)

The rock formation from afar...

Mula Sta. Filomena, sakay ng van, aabutin ng isang oras ang pagpunta sa beach resort na ito. Sa totoo lang, hindi ko maalala ang pangalan ng beach resort na ito. Pero ang alam ko, maraming beach resort along the shore line of Claveria. Kung ganitong mga rock formations ang bet ninyong makita habang nagsu-swimming, ayon kay Wikimapia, mainam na magtungo sa Northwest portion ng Claveria. :)

Bato, bato, pick! (Ano kaya ang pini-pick nila sa mga bato?)

Pagdating namin dito, hindi kami nagsisi na tinanggap namin ang offer na magtungo rito. Kahit pa malungkot ang weather, well-appreciated namin ang place dahil sa dami ng rock formations na nakita namin dito. Picture here, there and everywhere... (repeat till fade) ^_^

The resort beachfront... Sa sobrang layo ng cottages, muhka na silang tuldok sa picture. 

Sa rock formation na ito, hindi ko alam kung namalikmata lang ako, but I think I saw a cave. Or puwedeng nag-i-imagine lang si Teh...

The rocky ends of the resort. Is there a cave hidden within this rock formation?

Slightly deformed, I was thinking na lakaran ng tao before ang bloke ng bato na nasa left side.

Hindi rin namin naiwasan na pairalin ang aming mumunting imahinasyon para makapag-produce ng slightly creative photos. Tulad nito...

Teh: >effort, effort< Strong akech! (Laki braso ko eh. :D)

Sa kaka-concentrate naming magpipinsan sa pagkuha ng mga picture ng lugar, halos nalimutan na naming mag-swimming. Kaya nasabihan kami ng tita ko na magbasa man lang daw kami para hindi naman nakakahiya sa mga caretakers ng Sta. Filomena. So kahit mga 5 minutes siguro, naligo kami sa dagat. :)

The calm waves, complementing the rock formations.

Pagkalusong sa tubig, ginaw na ginaw si Teh. >.< Ngunit ang 5 minutes ay naging 10... 15... 20... hanggang sa ang tita ko na ang tumawag sa amin para umahon. Napa-stay kami sa dagat, specifically sa may bandang malapit sa resort, dahil sa buhangin ng dagat doon. Very fine ang gray na buhangin doon, kaya napakasarap niyang lakaran. Kahit mabato sa may bandang gilid ng resort, sa kalagitnaan kung saan muhkang lake ang dagat, ganoon ang buhangin. Hindi mabato. :)

Isang bagay pa siguro na nagpapanatili sa amin noon ay ang kababawan ng dagat. Dahil korteng lake ang bahaging gitna ng resort, kahit magtungo ka sa gitnang bahagi ng dagat, provided na nasa palibot ka pa rin ng mga rock formation, rest assured na hindi ka malulunod. Hanggang waist level ni Teh ang lalim ng dagat sa bandang gitna. (Kung maaalala ninyo, nabanggit before na medyo vertically challenged si Teh, kaya mababaw talaga ang dagat).

Ang dagat na na-enjoy ni Teh for its depth. :)

Kung ang Pagudpud ay may white beach, ang Claveria naman ay may fine gray beach. Pero siyempre, imbento lang ni Teh ang description ng Claveria. Sana lang, kahit maging well-developed ang mga resort dito, manatili pa rin ang kagandahan ng mga natural rock formations dito. Hopefully makabalik si Teh rito... ^_^

Calanasan ~ A hidden valley of tears

Ang Apayao, tulad ng Northern Cagayan, ay kadalasang nagtataglay ng malungkot na klima. As in :(... Pero sa hindi maipaliwanag na dahilan, para bang it complements the place... :)

Teh's signature pose by the bridge before the Resort proper...

Years ago, nagkaroon ako ng pagkakataon na makasama sa mga pinsan ko para magbakasyon sa Calanasan, specifically sa isang resort sa Barangay ng Sta. Filomena - ang Sta. Filomena Mountain Resort.

Mula sa Ballesteros, Cagayan, aabutin ng 2 hours ang biyahe by land papunta rito (no choice, unless may sarili kang chopper, kaso walang mapaglalandingan na maganda kaya tigilan na ang pangangarap na sumakay nito). Kung mula sa Tuguegarao, wala akong impormasyon kung may mas malapit na ruta. Ang tanging alam na daan ni Teh ay ang daan mula sa Claveria, Cagayan (isang oras mula sa Ballesteros). Para sa karagdagang impormasyon, maaaring kunsultahin ang road map ng Luzon. :)

Welcome!!! Sta. Filomena Mountain Resort ^_^

Sa resort, may sumalubong sa amin na tatlong malulusog na doggies. Pagpasensyahan niyo na kung muhka silang malulungkot. Ang totoo niyan, masaya sila. Kasi lagi silang busog. ^_^ Siguro kaya muhka silang malungkot, dahil madalas malamig ang lugar nila. Ang dalawa sa kanila, nakatira sa may resthouse ng resort owner (which we were able to see kasi kakilala ng uncle ko ang may-ari). Ang isa naman ay nasa resort villa. :)

White doggie: What are you looking at?

Fuji, the long lost dog of Yankumi

The Villa's Snoring dog. Zzz...

Kapag ang isang lugar ay tinatawag na resort, tiyak na nag-e-expect kang makakita ng, kung hindi dagat, swimming pool. Definitely, meron ang Sta. Filomena Mountain Resort nito. May semi-kiddie pool (semi, kasi malalim din) at may oldies pool with waterfalls in the background (up to 6ft deep). Maganda ang pool ng resort na ito dahil nakapaligid sa iyo ang nature habang nagsu-swimming. Most likely one of the best swimming pools I've ever swum into. ^_^

The waterfalls, designed by man, enhanced by nature. :)

The not-so kiddie pool for Teh. (I'm vertically challenged, y'know?)

Aside from swimming, puwede ka ring mag-stroll around the resort villa. Minsan lang ako makakita ng ganito ka-peaceful na lugar, na kung saan madalas ang clouds ay halos bumababa sa lupa. Kaya sinamantala ko ang pag-iikot. :)

The resort villa at a glance...

The gateway to Apayao River.

Bahay kubo by the foggy mountains...

Sunny but mountain fog is thick...

Sky is clear, sun can be seen. Quite a rare thing to happen. :)

A glimpse of Northern Cordillera...

The ricefields nearby...

The farmer and the field on a gloomy afternoon...

Mamang farmer's healthy carabao... ^_^

Tutal, bongga ang lawak ng lupain ng resort, hindi lang basta main crop ang naitatanim nila. May mga tanim din doon na mainam palaguhin para sa malamig na panahon, tulad ng ibang mga gulay at prutas (na hindi ko maalala kung may strawberries).

Veggies in cold season... Pechay? Lettuce? O_O 

A case of mistaken identity: strawberries?

Kung makakapagpaalam kayo, maaari ninyong subukan i-request ang pagpunta sa resthouse ng may-ari ng resort na matatagpuan sa itaas na bahagi ng kalapit na bundok. Sa hindi kalayuan sa resthouse, may  mga tubigan na hindi ko alam kung lake ba o pond at taniman ng mga gulay.

♫ Lalala ~ off to the mountains ♫ 

The lake/pond/???

Teh harvesting eggplant. 
(Thinking of torta, iniisip ba 'ko no'n?)

At puwede ba namang magpahuli ang mismong resthouse sa resort? Bukod sa fish pond na aking napagdiskitahang paglaruan, may sariling pool din ang resthouse ng may-ari. This time, it is really a kiddie pool. Keribels na ni Teh ang lalim ng water na waist level. Hehehe! Ngunit ang litrato ng pool ay sadyang hindi ipinakita upang itago ang muhka at taba ni Teh. Panay kasi kasama siya sa picture ng pool. :))

Fish pond beside the pool.

Matumal ang huli. >sigh<

Makapag-fly fly na lang...
dahil walang huli... :))

Bridge by the pond, linking the house and the pool.
(Doormat is eps... )

Kay ganda rin ng munting ilog sa may hindi rin kalayuan sa resthouse. Malinis ang tubig, malinaw at tila ba wala pang nakakadapong impurity. One of the highlights of our Apayao stay. :)

A stream of fresh water from the mountains, traversing Calanasan and beyond! :)

Teh: >sigh< I'm tired swimming, I need a break... (Chos, arte much?!)

Going back to the resort villa, sa dami ng rooms doon, ang nagamit naming magkakamag-anak ay apat na kuwarto - isang twin share room at tatlong family bedroom. Malalaki at malinis ang mga rooms. Sa apat na kuwarto na nagamit namin, dalawa ang may CR. Speaking of CR, walang hot temperature setting ang shower kaya kung bet mo ang very, very cold weather, this is a perfect place for you! :)

View from a front room's veranda inside the villa.

View from another front room's veranda

View from the other side room's veranda.

A wild 4-legged starfish appeared!

Kung weird things ang pag-uusapan, siguro isa sa mga weird na nakita ko sa resort ay ang existence ng 4-legged starfish na hindi namin alam kung saan nanggaling. Aside from the starfish, meron ding mga palakang bukid doon na pupwedeng lutuin. (Pero hindi kumain si Teh, pulutan kasi ng mga uncle kong manginginom hehehe).

Ang nangangarap na Teh. Malapit na ang umaga...
(Haller? Tanghali na nga eh!)

Sa dalawang beses kong pagpunta rito, iisa madalas ang hinahangad kong makita - ang mataas na sikat ng araw. Tulad ng nabanggit, bihirang umaraw sa lugar na ito. Kung kaya't hindi ko mapigilang tumingala sa alapaap tuwing matingkad ang sikat ng araw. Finally, summer is at hand! ^_^